Курс: «Жашыл экономикадагы санариптик технологиялардын ролу»
Азыркы дүйнө туруктуу келечекке багыт алууда, ал эми санариптештирүү — экологиялык өзгөрүүнүн негизги куралы болуп калды. Бул курс студенттерге санариптик технологиялар жашыл, натыйжалуу жана экологиялык жоопкерчиликтүү экономиканы кантип түзөөрүн түшүнүүгө жардам берет.
Студенттер энергияны үнөмдөө, маалыматтарды талдоо жана туруктуу санариптик продуктуларды түзүү аркылуу экологиялык маселелерди чечүүнү үйрөнүшөт. Курс практикага багытталган: катышуучулар технологияларды үйрөнүп эле тим болбостон, Кыргызстанда жана андан тышкары жашыл демилгелерди колдогон мини-долбоорлорду иштеп чыгышат.
Окутуучулар:
д.э.н. Үсөнов Муса Мурзапарович, доцент
Абдипатта уулу Жумабек, кичи илимий кызматкер
Үсөнов Иса Мурзапарович, кичи илимий кызматкер, долбоор менеджери
Курс эмнени камтыйт:
• Санариптештирүү туруктуу өнүгүү жана экологиялык саясатка кандай таасир этет.
• Жашыл экономикага өбөлгө түзгөн технологиялар — акылдуу сенсорлордон тартып жасалма интеллектке чейин.
• Экологиялык маалыматтарды талдоо жана көмүртек изин азайтуу үчүн санариптик куралдарды колдонуу.
• Санариптик платформалар жана мобилдик колдонмолор жаштарды экологиялык иш-чараларга тартуу ыкмалары.
• Туруктуу өнүгүү идеяларын чыныгы санариптик продуктыларга же стартаптарга айлантуу.
Окутуу форматы:
Курс мини-лекциялардан, практикалык сабактардан, өз алдынча иштерден жана топтук долбоорлордон турат. Студенттер реалдуу маалыматтар менен иштеп, экологиялык санариптик чечимдерди иштеп чыгышат жана жыйынтыгында өз долбоорлорун коргошот.
Сизди күтөт:
– кадам-кадам менен көрсөтмөлөр;
– командалык мини-долбоорлор;
– реалдуу мисалдардын талкуулары жана презентациялар.
Сиз эмнеге жетишесиз:
• Жашыл экономиканын принциптерин жана аны колдогон санариптик куралдарды түшүнүү.
• Санариптик технологияларды экологиялык анализ жана туруктуу чечимдер үчүн колдонуу көндүмү.
• Экологиялык санариптик продуктту долбоорлоо жана презентациялоо тажрыйбасы.
• Экзамен жана акыркы долбоор аркылуу тастыкталган компетенциялар.