Баткен мамлекеттик университетинин ректору А.Т.Гыязов эмгек өргүүдөн чыгып, БатМУнун башкы мекемеси жана анын окуу-түзүмдүк бөлүмдөрүндөгү профессордук-окумуштуулар курамы менен жолугушуу өткөрүүдө.
![](http://batmu.kg/wp-content/uploads/2022/02/273682657_1008420776550895_12965133540225890_n-1200x675.jpg)
Бүгүн башкы мекемедеги жамаат менен жыйын өткөрүп, анда Окуу-маалымат департаментинин башчысы А.Исмаилованын 2021-2022-окуу жылындагы жарым жылдык аткарылган иштери боюнча маалыматын, Борборлоштурулган бухгалтериянын башкы эсепчиси А.Алихановдун 2021-жылда аткарылган иштери жана 2022-жыл үчүн коюлган планы боюнча маалыматын укту. Мындан сырткары БатМУнун ректору, э.и.д, профессор А.Т.Гыязов БатМУну өнүктүрүү боюнча бир топ жакшы иштер жасалгандыгын жана мындай аракеттер тынымсыз жүргүзүлө берерин белгиледи.
![](http://batmu.kg/wp-content/uploads/2022/02/273672837_1008420539884252_3890930634903093471_n-1200x675.jpg)
Жыйындын соңунда катышуучулардын сунуштарын эске алуу менен быйылкы жылы төмөнкүдөй негизги иштерди аткаруу пландалды:- Заман талабына ылайык 50 орундуу студенттик жатакана куруу;- 10 кааналуу админстративдик имарат салуу;- БатМУга тиешелүү 3.5 га жердин айланасын тосуу;- Заманбап ажаткана куруу;- БатМУнун базасындагы “Айгүл-Тоо” маданий музей комплексине жаңы имарат куруу;- 2022-жылдын январь айынан баштап, профессордук-окутуучулар курамынын айлык акысын жогорулатуу.
![](http://batmu.kg/wp-content/uploads/2022/02/273727837_1008420919884214_6112508586412631243_n-1200x675.jpg)