2022-жылдын 19-апрелинен DigiKonush долбоорунун алкагында Ош, Баткен жана Ысык-Көл облустарынын алыскы райондорунда санарип көндүмдөр боюнча окутуу программаларын түзүү жөнүндө тренингдерге Баткен мамлекеттик университетинин кызматкерлери менен студенттери катышты.
![](http://batmu.kg/wp-content/uploads/2022/04/278970554_1050269745699331_8645259035519605373_n.jpg)
Бул окутуулардын өзгөчөлүгү – көлөмдүү материалды кыска мөөнөттө өздөштүрүүгө мүмкүндүк берүүчү интерактивдүү жана инновациялык ыкмалардын түрдүүлүгү. Натыйжада тренингдин бүтүрүүчүлөрү санарип көндүмдөр боюнча өздөрүнүн электрондук курстарын жана окуту модулдарын иштеп чыга алат.
![](http://batmu.kg/wp-content/uploads/2022/04/278971632_1050269772365995_1267166417347060302_n.jpg)
Окууга ЖОЖдордун, ПТУнун, мектептердин мугалимдери катышат. Андан соң алар БатМУ, ОшМУ жана ЫМУ мамлекеттик университеттеринде долбоордун алкагында ачылган Санарип Көндүмдөр Борборлорунда өздөрү жердештерин окута алышат.
![](http://batmu.kg/wp-content/uploads/2022/04/278754290_3164714733742140_5136689139382670224_n.jpg)
Белгилеп кетсек, жүргүзүлгөн иликтөөгө ылайык, санарип көндүмдөр боюнча аялдар жана жаштар арасында эң төмөн көрсөткүч Баткен, Ош жана Ысык-Көл облустарында.