Баткен Америка ресурстук борборунун тарыхы.

Баткен мамлекеттик университетинин Америка ордосу 2003 жылы Кыргызстандагы Америка элчилигинин колдоосу менен ачылган. Аталган борбор Баткен облусунун жаңыдан түптөлгөнүнө байланыштуу облустун борбору болгон Баткен шаарындагы жергиликтүү элге Америка элинин маданиятын, үрп-адаттарын жана ошондой эле англис тилин жайылтуу максатында түзүлгөн. Америка ордосу ошол күндөн тартып азыркы учурга чейин өз ишмердүүлүгүн улантып келүүдө. Ордодо буга чейин көптөгөн иш чаралар уюштурулуп, анда аймактардагы мектептерде иштеп жаткан англис тили мугалимдери үчүн бир катар билимин жогорулатууга арналган семинарлар, тренингтер, жыйындар болуп өткөн. Жалпы эле баардык кызыккан жарандарга Америка ордосу ар дайым ачык болуп, ал жерде студенттер, мектеп окуучулары Америка элинин белгилүү жазуучулары тарабынан жазылган китептерге бай китеп текчесинен китептерди колдонушкан.

2018-жылдын апрель айында Америка ордосу, Америка маалымат ресурстук борбору болуп өзгөрүлдү. Америка Маалымат ресурстук борборун оңдоп түзөө ишин Америка элчилиги жана БатМУ колго алып, долбоор ийгиликтүү ишке ашты. Азыркы учурда Америка маалымат ресурстук борбору жаңыдан жаңы тепкичке көтөрүлүп, жаңы заманбап орг. техникалар менен камсыз болду. Учурда Баткен Америка маалымат ресурстук борбору жаш муундарга жаңыча билим алууга шарт түзүп берүү менен ийгиликтүү иштеп жаткан учуру.

Кыргыз Республикасынын АКШ элчилиги Баткен жашоочулары үчүн Баткен Америкалык ресурстук борборун ачты. 

2019-жылдын 1-мартында Кыргыз Республикасындагы АКШ элчиси Доналд Лу жана Баткен мамлекеттик университетинин Баткенде Америкалык ресурстук борборунун салтанаттуу ачылыш аземин өткөрүштү. Баткендеги АРБ өз окурмандарын 2018-жылдын сентябрынан тартып тейлеп келет жана АКШ тууралуу маалымат табууга, пикир алмашууга жана чет тилин үйрөнүүгө шарт түзгөн уюм болуп саналат.

Баткендеги АРБ интернетти акысыз колдонууга мүмкүн болгон, ноутбук, маалымдама материалдары жана англис тилин окуу жана үйрөтүүчү материалдары, ошондой эле англис тилинен кыргыз тилине которулган китептер менен жабдылган жаңыланган жана заманбап мекеме. Борбордун координаторлору англис тили сабактарын АКШнын маданият, тарыхы жана билим алуу мүмкүнчүлүктөрү тууралуу үзгүлтүксүз программаларды алып барат.

.

Access students celebrated Halloween 2018